Prjónaskúffan

Ýmis verkefni í gangi en úlnliður er úr leik í bili. Ég get hreyft fingur en prjóna ekki mikið þessa dagana. Kannski nýtist sá tími til þess að ganga frá endum, gera snúrur og festa tölur. Fátt er svo með öllu illt…

Það tókst að ganga frá endunum og ég er sátt við útkomuna 🙂 Heklað barnateppi úr 100% merinoblandaðri ull sem má þvo í þvottavél á ullarprógrammi. Hvítt, antíkrós og drapplitað. Frábært í vögguna, vagninn, bílinn og kerruna. Stærð: 75×105 cm.

Ungbarnateppi í vinnslu. Það er svo róandi að sitja í rólegheitunum og hekla þegar rigningin heldur manni inni og ekki skemmir það fyrir hvað þessi litasamsetning er alltaf vinsæl. ❤

Þetta heimferðarsett fór frá mér í gær. Liturinn kemur einstaklega vel út og þessi sett rétt ná að detta af prjónunum hjá mér áður en þau yfirgefa hreiðrið (prjónaskúffuna).

Myndina af þessari yndsfögru dömu fékk ég senda í gær. Hún er í ferskjubleika heimferðarsettinu frá mér og gaman að fá að sjá hvernig þetta kemur út.
Til hamingju kæru foreldrar.

Þetta eru uglupokarnir sem eru til núna.
Nánari upplýsingar í myndasafninu “Sængurgjafir – Ungbörn” ❤
https://www.facebook.com/pg/prjonaskuffan/photos/?tab=album&album_id=527059327475412

Yndislega mjúkur púðurbleikur uglupoki og húfa í stíl. Unnið úr tvöfaldri 100% Dale merino babyull sem stingur ekki og má þvo á léttu ullarprógrammi. Pokinn er bestur fyrir ca. 0-3 mánaða börn á meðan fósturstellingin er vinsæl. Frábært fyrir krúttlegar myndatökur. ❤

Yndislega mjúkur grár uglupoki og húfa í stíl. Unnið úr tvöfaldri 100% Dale merino babyull sem stingur ekki og má þvo á léttu ullarprógrammi. Pokinn er bestur fyrir ca. 0-3 mánaða börn á meðan fósturstellingin er vinsæl. Frábært fyrir krúttlegar myndatökur. ❤

Þetta heimferðarsett var frátekið eftir nokkrar lykkjur og er nú komið í hendur verðandi móður.
Ég óska henni alls hins besta. ❤

Blúnda – Plómurautt heimferðarsett (farið) – peysa, húfa, vettlingar og hosur úr 100% Dale merino babyull (0-3 mán.) ásamt yndislega mjúkum uglupoka og húfu í sama lit og úr sama mjúka garninu sem stingur ekki og má þvo á léttu ullarprógrammi. “Ugluokinn” er bestur fyrir ca. 0-3 mánaða börn á meðan fósturstellingin er vinsæl. Frábært fyrir krúttlegar myndatökur.